September 13, 2021
September 13, 2021
വർഷങ്ങൾ നീണ്ടുനിന്ന ശീതയുദ്ധം അവസാനിപ്പിക്കാൻ കരുക്കൾ നീക്കുകയാണ് ഖത്തറും യുഎഇയും. ഇരുവർക്കുമിടയിലുള്ള ബന്ധം കൂടുതൽ ഊഷ്മളമാവുമെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.
ദുബായ് വേൾഡ് ട്രേഡ് സെന്ററിൽ ഈ മാസം അവസാനം നടക്കുന്ന "ഗ്യാസ്ടെക്ക്" കോൺഫറൻസിലാണ് ഖത്തറിന്റെ ഊർജ്ജമന്ത്രി സാദ് അൽ ഖാബി പങ്കെടുക്കുമെന്ന് സ്ഥിരീകരിച്ചത്. ഏറെ കാലത്തിന് ശേഷമാണ് ഉയർന്ന റാങ്കിലുള്ള ഒരു ഖത്തർ ഉദ്യോഗസ്ഥൻ യുഎഇസന്ദർശിക്കുന്നത്. ഖത്തർ മന്ത്രിക്ക് പിന്നാലെ തുർക്കിയുടെ ഊർജ്ജവകുപ്പ് മന്ത്രി അൽപർസ്ലാൻ ബൈറക്തരും ദുബായിലെത്തും. സെപ്റ്റംബർ 21 മുതൽ 23 വരെയാണ് ഗ്യാസ്ടെക്ക് കോൺഫറൻസ് അരങ്ങേറുക.
