September 20, 2021
September 20, 2021
ദോഹ : ഖത്തർ ആരോഗ്യവകുപ്പ് മന്ത്രി ഡോക്ടർ ഹനാൻ മുഹമ്മദ്‌ അൽ കുവാരിയും, ലോക ആരോഗ്യ സംഘടന (WHO) ഡയറക്ടർ ജനറൽ ടെഡ്റോസ് ഗെബ്രെയ്‌സസും കൂടിക്കാഴ്ച്ച നടത്തി. ഡയറക്ടർ ജനറലിന്റെ ഖത്തർ സന്ദർശനത്തിനിടെയാണ് ഇരുവരും ഒന്നിച്ച് സമയം ചെലവഴിച്ചത്.
അഫ്ഗാനിസ്ഥാനിലെ ജനങ്ങളെ സഹായിക്കാൻ ഇരുകൂട്ടർക്കും എന്തൊക്കെ ചെയ്യാൻ കഴിയുമെന്നതായിരുന്നു ചർച്ചയിലെ പ്രധാനവിഷയം. ഇരുവരും ചേർന്ന് അഫ്ഗാനിൽ നിന്നുള്ള അഭയാർത്ഥികൾക്ക് ഒരുക്കിയ അഭയകേന്ദ്രം സന്ദർശിക്കുകയും ചെയ്തു. അഫ്ഗാൻ കുടുംബങ്ങൾക്കൊപ്പം അൽപനേരം സമയം ചെലവഴിച്ച ശേഷമാണ് ടെഡ്റോസ് മടങ്ങിയത്. അഫ്ഗാനികളുടെ സുരക്ഷയ്ക്കും സമാധാനത്തിനുമായി ഖത്തർ എടുത്ത നിലപാടുകളെ പ്രശംസിച്ച ഡയറക്ർ ജനറൽ, ക്യാമ്പുകളിലെ സൗകര്യങ്ങളെയും അഭിനന്ദിച്ചു.
