November 07, 2021
November 07, 2021
ദോഹ: ഖത്തർടൂറിസവും മൊവസലാത്തും സംയുക്തമായി നടത്തിയ ലിമോസിൻ ഡിസൈൻ മത്സരത്തിന് മികച്ച പ്രതികരണം. 450 ലധികം അപേക്ഷകൾ ലഭിച്ചതായി ടൂറിസം വകുപ്പ് അറിയിച്ചു. ഇവയിൽ നിന്ന് പ്രത്യേകജൂറി തിരഞ്ഞെടുക്കുന്ന ഡിസൈനുകളിൽ നിന്നും വോട്ടെടുപ്പ് നടത്തിയാണ് വിജയികളെ കണ്ടെത്തുക. പൊതുജനങ്ങൾക്കും വോട്ട് രേഖപ്പെടുത്താനുള്ള അവസരമുണ്ടാകും.
നവംബർ 22 നാണ് അന്തിമ ലിസ്റ്റ് പുറത്തുവിടുക. ശേഷം, നവംബർ 23 മുതൽ 30 വരെ ജൂറി അംഗങ്ങൾക്കും പൊതുജനത്തിനും വോട്ട് രേഖപ്പെടുത്താം. ഖത്തറിന്റെ പ്രകൃതി സൗഹൃദനയം, പൈതൃകം, സംസ്കാരം തുടങ്ങിയവയുമായി എത്രത്തോളം നീതി പുലർത്തി എന്നതാവും വിജയികളെ തിരഞ്ഞെടുക്കുന്നതിന് മാനദണ്ഡമാവുക എന്ന് ടൂറിസം വകുപ്പ് അറിയിച്ചു. ഏറ്റവും അധികം വോട്ട് കിട്ടുന്ന ഡിസൈനിന് ജനപ്രിയ ഡിസൈനിനുള്ള അവാർഡ് നൽകും.