October 24, 2021
October 24, 2021
ദോഹ : ഫുട്ബോൾ ലോകത്തെ ഒന്നടങ്കം ഖത്തർ വിസ്മയിപ്പിക്കുകയാണെന്ന് ഫിഫ പ്രസിഡന്റ് ജിയാനി ഇൻഫാന്റിനോ. ലോകകപ്പിനായി ഒരുക്കിയ വേദികളിൽ ഒന്നായ അൽ തുമാമ സ്റ്റേഡിയത്തിന്റെ ഉൽഘാടനത്തിന് സാക്ഷ്യം വഹിച്ചതിന് പിന്നാലെയാണ് ഇൻഫാന്റിനോ ഖത്തറിനെ പ്രശംസിച്ച് രംഗത്തെത്തിയത്. കലാപരമായൊരു സൃഷ്ടി എന്നാണ് ഇൻഫാന്റിനോ അൽ തുമാമ സ്റ്റേഡിയത്തെ വിശേഷിപ്പിച്ചത്.
ലോകകപ്പിന് മുന്നോടിയായി ഖത്തർ ആതിഥ്യം വഹിക്കുന്ന അറബ് കപ്പ് ടൂർണമെന്റ് കാണാനും തനിക്കാഗ്രഹമുണ്ടെന്ന് ഇൻഫാന്റിനോ കൂട്ടിച്ചേർത്തു. "ഫിഫ ലോകകപ്പിന് പന്തുരുളുന്നത് വരെയും ഖത്തർ ഏവരേയും അമ്പരപ്പിച്ചുകൊണ്ടേയിരിക്കും, അൽ തുമാമ സ്റ്റേഡിയം ഒന്നാന്തരമൊരു കലാസൃഷ്ടിയാണ്. ഖത്തറിന്റെ ചരിത്ര-സാംസ്‌കാരിക ഭൂമികയെ പ്രതിനിധാനം ചെയ്യാൻ ഈ സ്റ്റേഡിയത്തിന് കഴിയും. അറബ് കപ്പ് മത്സരങ്ങളെയും ഞാൻ ആകാംക്ഷയോടെ കാത്തിരിക്കുകയാണ്. കഴിയുമെങ്കിൽ മത്സരങ്ങൾ വീക്ഷിക്കാൻ ഞാനെത്തും. ഇൻഫാന്റിനോ മാധ്യമങ്ങളോട് മനസുതുറന്നു.
