August 12, 2021
August 12, 2021
ദോഹ : ഖത്തറില്‍ കോവിഡ് നിയന്ത്രണങ്ങള്‍ തുടരാന്‍ തീരുമാനം.പ്രധാനമന്ത്രി ശെയ്ഖ് ഖാലിദ് ബിന്‍ ഖലീഫ അബ്ദുല്‍ അസീസ് ആല്‍ഥാനിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് രാജ്യത്തെ കോവിഡ് സാഹചര്യം വിലയിരുത്തിയത്. നിലവിലുള്ള മുന്‍കരുതല്‍ നടപടികള്‍ തുടരാനും യോഗത്തില്‍ തീരുമാനമായി.
അതേസമയം ഖത്തറില്‍ കോവിഡ് വാക്‌സിനേഷന്‍ 40 ലക്ഷം കടന്നു.രാജ്യത്ത് വാക്‌സിനേഷന്‍ ആരംഭിച്ചതു മുതല്‍ 40,12,536 ഡോസ് വാക്‌സിനാണ് നല്‍കിയത്. 12 വയസ്സിനും അതിന് മുകളിലും പ്രായമുള്ള 88.8 ശതമാനം പേര്‍ക്ക് ഇതിനകം ഒരു ഡോസ് വാക്‌സിന്‍ ലഭിച്ചതായും ആരോഗ്യ മന്ത്രാലയം അറിയിച്ചു.
അബൂസംറ അതിര്‍ത്തിയിലെ കാര്യങ്ങള്‍ നിയന്ത്രിക്കുന്നതിനുള്ള സ്ഥിരം സമിതിയുടെ നിയമനവുമായി ബന്ധപ്പെട്ട ചില കാര്യങ്ങളില്‍ ഭേദഗതി വരുത്താനും ഇന്നലെ ചേര്‍ന്ന യോഗം തീരുമാനിച്ചു. ആഭ്യന്തര മന്ത്രാലയവുമായി ബന്ധപ്പെട്ടാണ് സമിതി പ്രവര്‍ത്തിക്കുന്നത്.
