July 18, 2022
July 18, 2022
ദോഹ : 2023 ലെ എ.എഫ്.സി ഏഷ്യൻ കപ്പ് ഫുട്ബോൾ മത്സരങ്ങൾക്ക് ആതിഥേയത്വം വഹിക്കാൻ ഖത്തർ ബിഡ് സമർപ്പിച്ചു.മത്സരങ്ങൾക്ക് ആതിഥേയത്വം വഹിക്കാൻ മത്സരിക്കുന്ന നാല് രാജ്യങ്ങളെ ഏഷ്യൻ ഫുട്ബോൾ കോൺഫെഡറേഷനാണ് പ്രഖ്യാപിച്ചത്. ആസ്ട്രേലിയ,ഇന്തോനേഷ്യ,കൊറിയ എന്നിവയാണ് മറ്റു രാജ്യങ്ങൾ.താൽപര്യമുള്ള മറ്റു രാജ്യങ്ങൾ 2022 ജൂലൈ 15-നകം അപേക്ഷിക്കണമെന്നും ഏഷ്യൻ ഫുട്ബോൾ കോൺഫെഡറേഷൻ അറിയിച്ചിട്ടുണ്ട്.
2019 ൽ അബുദാബിയിൽ നടന്ന ഏഷ്യാകപ്പിൽ ഒന്നിനെതിരെ മൂന്ന് ഗോളുകൾക്ക് ജപ്പാനെ പരാജയപ്പെടുത്തി ഖത്തർ കിരീടം ചൂടിയിരുന്നു.ഖത്തറിനെതിരായ ഉപരോധം തുടരുന്നതിനിടെ യു.എ.ഇയിൽ നടന്ന വാശിയേറിയ മത്സരത്തിൽ ഖത്തർ കിരീടം ചൂടിയത് ലോകമാധ്യമങ്ങളിൽ ഏറെ ചർച്ച ചെയ്യപ്പെട്ടിരുന്നു.
ഫിഫ ലോകകപ്പിന് ശേഷം തൊട്ടടുത്ത വർഷം തന്നെ ഏഷ്യാകപ്പിന് കൂടി ആതിഥേയത്വം വഹിക്കാൻ ഖത്തറിന് അവസരം ലഭിക്കുകയാണെങ്കിൽ രാജ്യത്തെ ബിസിനസ് മേഖലയ്ക്കും അണമുറിയാത്ത ഫുട്ബോൾ ആവേശത്തിനും അത് വലിയ മുതൽക്കൂട്ടാവും.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക