February 24, 2022
February 24, 2022
ദോഹ : ഖത്തർ അമീർ ഷെയ്ഖ് തമിം ബിൻ ഹമദ് അൽ താനിയെ ഉക്രൈൻ പ്രസിഡന്റ് വ്ലോദോമിർ സെലൻസ്കി ഫോൺ വഴി ബന്ധപ്പെട്ടതായി ഖത്തർ ന്യൂസ് ഏജൻസി റിപ്പോർട്ട് ചെയ്തു. റഷ്യയുമായി നടക്കുന്ന പ്രശ്നങ്ങളുടെ വിശദവിവരങ്ങൾ ഉക്രൈൻ പ്രസിഡന്റ് അമീറിന് കൈമാറി.
ഇരുപക്ഷങ്ങളും സമാധാനപൂർണമായ നിലപാടുകൾ സ്വീകരിക്കാൻ ശ്രമിക്കണമെന്നും, ജനങ്ങളുടെ സുരക്ഷയ്ക്ക് പ്രഥമ പ്രാധാന്യം നൽകണമെന്നും അമീർ അഭ്യർത്ഥിച്ചു. നയതന്ത്ര ചർച്ചകളിലൂടെ പ്രശ്നം പരിഹരിക്കാൻ നിരന്തരം ശ്രമിക്കണമെന്നും അമീർ ഉക്രേനിയൻ പ്രസിഡന്റിനോട് ഉപദേശിച്ചു. ഉക്രൈന് പിന്തുണയേകുന്ന അമേരിക്കയുമായി ഖത്തറിന് മികച്ച ബന്ധമുള്ളതിനാൽ, വിഷയത്തിൽ ഖത്തർ ഉക്രൈന് അനുകൂല നിലപാടുകൾ സ്വീകരിച്ചേക്കുമെന്നാണ് കണക്കാക്കപ്പെടുന്നത്.