July 06, 2022
July 06, 2022
അൻവർ പാലേരി
ദോഹ :ബലി പെരുന്നാൾ പ്രമാണിച്ച് രാജ്യത്തെ ബാങ്കുകൾക്കും ധനകാര്യ സ്ഥാപനങ്ങൾക്കുമുള്ള അവധി ദിനങ്ങൾ ഖത്തർ സെൻട്രൽ ബാങ്ക് പ്രഖ്യാപിച്ചു.ഇതനുസരിച്ച് ജൂലായ് 10 ഞായറാഴ്ച മുതൽ ബാങ്കുകൾ,മണി എക്സ്ചേഞ്ചുകൾ,ഇൻഷുറൻസ് കമ്പനികൾ,ഇൻവെസ്റ്റ്മെന്റ് അതോറിറ്റി തുടങ്ങിയ സ്ഥാപനങ്ങൾക്ക് ഞായറാഴ്ച മുതൽ ജൂലായ് 12 ചൊവ്വാഴ്ച വരെ അവധിയായിരിക്കും.
അവധി ദിനങ്ങൾ കഴിഞ്ഞു ജൂലായ് 13 ബുധനാഴ്ച മുതൽ സ്ഥാപനങ്ങൾ തുറന്നു പ്രവർത്തിക്കും.
ധനകാര്യ സ്ഥാപനങ്ങൾ ഒഴികെ,സർക്കാർ,പൊതുമേഖലാ സ്ഥാപനങ്ങൾക്കുള്ള അവധി ദിനങ്ങൾ നേരത്തെ അമീരി ദിവാൻ പ്രഖ്യാപിച്ചിരുന്നു.മന്ത്രാലയങ്ങൾക്കും ഗവണ്മെന്റ് സ്ഥാപനങ്ങൾക്കും പൊതുമേഖലാ സ്ഥാപനങ്ങൾക്കും ജൂലൈ 10 (ഞായറാഴ്ച) മുതൽ ജൂലൈ 14 (വ്യാഴാഴ്ച) വരെയാണ് പൊതുഅവധി നൽകിയിരിക്കുന്നത്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക