January 13, 2022
January 13, 2022
ദോഹ : കോവിഡ് കേസുകളുടെ എണ്ണത്തിൽ വൻ വർധനവ് രേഖപ്പെടുത്തുന്ന സാഹചര്യത്തിൽ, ഖത്തർ, സൗദി എന്നീ രാജ്യങ്ങളിൽ പര്യടനം നടത്താനുള്ള നീക്കത്തിൽ നിന്നും ഫ്രഞ്ച് ക്ലബ്ബായ പാരീസ് സെന്റ് ജർമൻ പിന്മാറി. സൂപ്പർ താരം ലയണൽ മെസ്സിയും സംഘവും മൂന്ന് ദിവസം ഖത്തറിൽ പരീശീലനം നടത്താനും, ശേഷം, ജനുവരി 19 ന് റിയാദിൽ സൗഹൃദമത്സരം കളിക്കാനും തീരുമാനിച്ചിരുന്നു. എന്നാൽ, നിലവിലെ സാഹചര്യത്തിൽ പദ്ധതി ഉപേക്ഷിക്കുന്നതായി ടീം വൃത്തങ്ങൾ അറിയിക്കുകയായിരുന്നു.
ഫ്രഞ്ച് ലീഗിൽ ഒന്നാമതുള്ള പിഎസ്ജി ക്യാമ്പിൽ ഈ മാസമാദ്യം നിരവധി താരങ്ങൾക്ക് കോവിഡ് പിടിപെട്ടിരുന്നു. ലയണൽ മെസ്സി, ഏയ്ഞ്ചൽ ഡി മരിയ, ഡ്രാക്സ്ലർ തുടങ്ങിയ താരങ്ങൾക്ക് കോവിഡ് സ്ഥിരീകരിച്ചതിന് പിന്നാലെ ലിയോണുമായി നടക്കേണ്ടിയിരുന്ന മത്സരം മാറ്റിവെക്കുകയും ചെയ്തു. പിന്നാലെയാണ് മിഡിൽ ഈസ്റ്റ് സന്ദർശനവും പിന്നീട് നടത്താൻ ക്ലബ്ബ് തീരുമാനിച്ചത്.
