March 16, 2022
March 16, 2022
ദോഹ : ഖത്തറിൽ ട്രാഫിക്ക് നിയമലംഘനങ്ങൾക്ക് അൻപത് ശതമാനം ഇളവോടെ പിഴ അടക്കാൻ നൽകിയ സമയപരിധി നാളെ (മാർച്ച് 17 ന് ) അവസാനിക്കുമെന്ന് ജനറൽ ട്രാഫിക് ഡിപ്പാർട്മെന്റിലെ ട്രാഫിക് ബോധവത്കരണ വിഭാഗം ഉദ്യോഗസ്ഥനായ ലഫ്റ്റനന്റ് കേണൽ ജാബിർ മുഹമ്മദ് ഒദൈബ ഓർമിപ്പിച്ചു.
കഴിഞ്ഞ മൂന്ന് വർഷങ്ങളിലെ ട്രാഫിക്ക് നിയമലംഘനങ്ങൾ പിഴ ഇളവോടെ തിരുത്താനാണ് ഖത്തർ ജനറൽ ട്രാഫിക് ഡിപ്പാർട്ട്മെന്റ് അവസരം ഒരുക്കിയത്. ഇന്നും നാളെയും കൂടി ഇളവോടെ പിഴയടക്കാൻ അവസരം ഉണ്ടെന്നും, ഈ ആനുകൂല്യം പരമാവധി പ്രയോജനപ്പെടുത്താൻ ശ്രമിക്കണമെന്നും അധികൃതർ ഓർമിപ്പിച്ചു. ഇളവിന്റെ കാലയളവ് കഴിഞ്ഞാൽ ട്രാഫിക്ക് ശിക്ഷാ നടപടികൾ കൂടുതൽ കർശനമാക്കുമെന്ന സൂചനയും ഒദൈബ നൽകി.