October 07, 2021
October 07, 2021
ദോഹ : വിസാ നിയമങ്ങൾ പാലിക്കുന്നതിൽ വീഴ്ച വരുത്തിയ പ്രവാസികൾക്ക് നിയമപരമായ സ്റ്റാറ്റസ് ക്രമപ്പെടുത്താൻ ആഭ്യന്തരമന്ത്രാലയം സമയം അനുവദിച്ചു. 2021 ഒക്ടോബർ 10 മുതൽ ഡിസംബർ 31 വരെയാണ് ഇതിനുള്ള സമയപരിധി.
ഫാമിലി വിസിറ്റ് വിസ നിയമം, വർക്ക് വിസ നിയമം, റെസിഡൻസി നിയമങ്ങൾ എന്നിവ ലംഘിച്ചവർക്ക് ഈ അവസരം വിനിയോഗിക്കാവുന്നതാണ്. സെർച്ച് ആൻഡ് ഫോളോ അപ്പ് ഡിപ്പാർട്മെന്റിനെ സമീപിച്ചോ താഴെ നൽകിയിട്ടുള്ള സേവനകേന്ദ്രങ്ങൾ സന്ദർശിച്ചോ ആണ് ഇതിനുള്ള അപേക്ഷ നൽകേണ്ടത്. ഉമ്മു സലാൽ, ഉമ്മു സുനൈം, മിസൈമീർ, അൽ വക്ര, അൽ റയ്യാൻ എന്നിവിടങ്ങളിലാണ് ഇതിനുള്ള സൗകര്യമുള്ളത്. ഉച്ചയ്ക്ക് ഒരുമണി മുതൽ ആറുമണിവരെ ഈ സേവനം ലഭ്യമാണ്. ഈ അവസരങ്ങൾ കൃത്യമായി വിനിയോഗിക്കണമെന്നും ഇനിയും തെറ്റ് തിരുത്തിയില്ലെങ്കിൽ കർശന നടപടികൾ നേരിടേണ്ടി വരുമെന്നും മന്ത്രാലയം വ്യക്തമാക്കി.
