March 28, 2022
March 28, 2022
ദോഹ : ഉപഭോക്താക്കൾക്ക് കൂടുതൽ എളുപ്പത്തിലും വേഗതയിലും സേവനങ്ങൾ ലഭ്യമാക്കാൻ പുതിയ മൊബൈൽ അപ്ലിക്കേഷൻ പുറത്തിറക്കിയതായി ഖത്തർ ഊർജ്ജകമ്പനിയായ വുഖൂദ് അറിയിച്ചു. നിരവധി സവിശേഷതകളുള്ള ഈ അപ്ലിക്കേഷൻ ഗൂഗിൾ പ്ലേ സ്റ്റോറിലും, ആപ്പിൾ സ്റ്റോറിലും ലഭ്യമാണ്.
ഫാഹേസിൽ ടെക്ക്നിക്കൽ പരിശോധനയ്ക്ക് വേണ്ടി ബുക്ക് ചെയ്യുക, ഫീസ് അടയ്ക്കുക, റിപ്പോർട്ട് വാങ്ങുക തുടങ്ങിയ നടപടികൾ ഈ ആപ്പിലൂടെ എളുപ്പം പൂർത്തിയാക്കാം. ഒപ്പം, വുഖൂദ് ടാഗ് അകൗണ്ടിലെ പണം റീചാർജ് ചെയ്യാനും സാധിക്കും. ഏറ്റവുമടുത്തുള്ള പെട്രോൾ സ്റ്റേഷൻ ഏതെന്ന് കണ്ടെത്താനും അപ്ലിക്കേഷന്റെ സഹായം തേടാം. കാർ സർവീസ് സെന്ററുകൾ സിദ്ര സ്റ്റോറുകൾ, ശഫാഫ് ഗ്യാസ് സിലിണ്ടറിന്റെ വിതരണകേന്ദ്രങ്ങൾ തുടങ്ങിയവയെ കുറിച്ചുള്ള വിവരങ്ങളും പുതിയ ആപ്പിൽ ലഭ്യമാണ്. ഉപഭോക്താക്കൾക്ക് പരാതികൾ സമർപ്പിക്കാനും നിർദേശങ്ങൾ മുന്നോട്ടുവെക്കാനുമുള്ള പ്രത്യേക ജാലകവും ആപ്പിലുണ്ട്.
