April 18, 2021
April 18, 2021
ദോഹ: റമദാനിൽ ഖത്തർ ചാരിറ്റി തൊഴിലാളികൾക്ക് നൽകുന്ന ഇഫ്താർ കിറ്റിനൊപ്പം കർവാ ബസുകളിൽ സൗജന്യമായി യാത്രചെയ്യുന്നതിനുള്ള സ്മാർട്ട് കാർഡും നൽകുന്നു. മുവാസലാത്തും ഖത്തര്‍ ചാരിറ്റിയും ചേർന്നാണ് പദ്ധതി നടപ്പാക്കുന്നത്.. മുവാസലാത്ത് ഓപറേഷന്‍സ് മാനേജര്‍ നാസര്‍ മഹ്‌മൂദ് അല്‍ ശമ്മാരി റീചാര്‍ജ് ചെയ്യാവുന്ന കാര്‍ഡുകള്‍ ഖത്തര്‍ ചാരിറ്റി റിലേഷന്‍സ് ആന്റ് സോഷ്യല്‍ റെസ്‌പോണ്‍സിബിലിറ്റി മേധാവി അഹ്‌മദ് ഉമര്‍ അല്‍ ഷെറാവിക്ക് കൈമാറി.
ഖത്തറില്‍ കര്‍വയുടെ ബസ്സുകള്‍ ഏറ്റവും കൂടുതല്‍ ഉപയോഗിക്കുന്നത് സാധാരണ തൊഴിലാളികളാണ്. കോവിഡ് മൂലം പ്രതിസന്ധി നേരിടുന്ന ഈ തൊഴിലാളികള്‍ക്ക് സൗജന്യമായി കാര്‍ഡ് ലഭിക്കുന്നത് വലിയൊരു ആശ്വാസമാകുമെന്ന് അധികൃതര്‍ ചൂണ്ടിക്കാട്ടി.
റമദാൻ അവസാനിക്കുന്നതുവരെ വിവിധ ലേബർ ക്യാമ്പുകളിൽ ഖത്തർ ചാരിറ്റി തൊഴിലാളികൾക്കായി ഇഫ്‌താഹ്‌റ കിറ്റ് വിതരണം ചെയ്യാറുണ്ട്.ഈ കിറ്റുകൾക്കൊപ്പമാണ് സ്മാർട്ട് കാർഡുകൾ നൽകുക.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
