December 03, 2021
December 03, 2021
ദോഹ : ഇന്ത്യൻ ബോക്സിങ് ഇതിഹാസം മേരികോമിന്റെ ഒളിമ്പിക് മെഡൽ ഇനി ഖത്തർ മ്യൂസിയത്തിൽ പ്രദർശിപ്പിക്കും. മെഡലിന് പുറമെ മത്സരദിവസം അണിഞ്ഞിരുന്ന ഗ്ലൗവ്സ്, ജേഴ്സി എന്നീ വസ്തുക്കളും മ്യൂസിയം അധികൃതർക്ക് കൈമാറി. വൈകാതെ ഉദ്ഘാടനം ചെയ്യപ്പെടുന്ന മ്യൂസിയത്തിൽ ഇവ പ്രദർശിപ്പിക്കപ്പെടും.
ദോഹയിൽ നടന്ന പ്രത്യേകചടങ്ങിൽ ഇന്ത്യയുടെ ഖത്തർ അംബാസിഡർ ദീപക് മിത്തലാണ് മേരികോമിന്റെ മെഡലും മറ്റ് അനുബന്ധവസ്തുക്കളും മ്യൂസിയം അധികൃതർക്ക് കൈമാറിയത്. ഇന്ത്യൻ സ്പോർട്സ് സെന്റർ പ്രസിഡന്റ് മോഹൻ തോമസും ചടങ്ങിൽ പങ്കെടുത്തു. പിവി സിന്ധു, സച്ചിൻ ടെണ്ടുൽക്കർ തുടങ്ങിയ ഇന്ത്യൻ കായികതാരങ്ങളുടെ ചിത്രങ്ങളും മ്യൂസിയത്തിൽ പ്രദർശിപ്പിക്കും.