January 16, 2022
January 16, 2022
സിനിമാ താരം മമ്മൂട്ടിക്ക് കോവിഡ് രോഗബാധ സ്ഥിരീകരിച്ചു. കെ. മധു സംവിധാനം ചെയ്യുന്ന സിബിഐ ഡയറിക്കുറിപ്പിന്റെ അഞ്ചാം ഭാഗത്തിന്റെ ഷൂട്ടിങ്ങിനിടെ തൊണ്ടവേദനയും നേരിയ ജലദോഷവും അനുഭവപ്പെട്ടതിനെ തുടർന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്. ഇതോടെ, ചിത്രത്തിന്റെ ഷൂട്ടിങ് താൽകാലികമായി നിർത്തിവെച്ചു. രണ്ടാഴ്ചയുടെ ഇടവേളയ്ക്ക് ശേഷം ഷൂട്ടിംഗ് തുടർന്നേക്കും.
ലക്ഷണങ്ങൾ ഗുരുതരമല്ലെന്നും താരം പൂർണ ആരോഗ്യവാനാണെന്നും ചികിൽസിച്ച ഡോക്ടർമാർ അറിയിച്ചു. എസി ഫ്ളാറ്റിലെ അടച്ചിട്ട റൂമിലായിരുന്നു ഇന്നലെ ചിത്രീകരണമെന്നതിനാൽ, കൂടുതൽ പേരിലേക്ക് രോഗം പകർന്നിരിക്കാൻ സാധ്യതയുണ്ട്. ലിജോ ജോസ് പെല്ലിശ്ശേരിയുടെ 'നൻപകൽ നേരത്ത് മയക്കം' എന്ന ചിത്രത്തിൽ അഭിനയിച്ചതിന് ശേഷമാണ് മമ്മൂട്ടി സിബിഐ ടീമിനൊപ്പം ചേർന്നത്.