December 22, 2021
December 22, 2021
മഡഗാസ്കർ : ഹെലികോപ്റ്റർ അപകടത്തിൽ അകപ്പെട്ട മഡഗാസ്കർ ആഭ്യന്തരമന്ത്രി സെർജ് ഗെല്ലെ അത്ഭുതകരമായി രക്ഷപ്പെട്ടു. കപ്പൽ അപകടം നടന്ന ഇടത്തേക്ക് രക്ഷാപ്രവർത്തനത്തിന്റെ മേൽനോട്ടം വഹിക്കാൻ യാത്ര ചെയ്യവേ ആണ് മന്ത്രിയും മറ്റ് മൂന്ന് ഉദ്യോഗസ്ഥരും ഉൾപ്പെട്ട ഹെലികോപ്റ്റർ വടക്ക് കിഴക്കൻ കടലിൽ തകർന്ന് വീണത്.
ഹെലികോപ്റ്റർ തകർന്നതിന്റെ കാരണം ഇതുവരെ കണ്ടെത്താൻ കഴിഞ്ഞിട്ടില്ല. മന്ത്രിക്കൊപ്പം മറ്റൊരു ഉദ്യോഗസ്ഥനും സുരക്ഷിതനായി തീരത്തെത്തിയതായി പോലീസ് അറിയിച്ചു. ഇവർക്കൊപ്പം ഉണ്ടായിരുന്ന രണ്ട് പേർക്കായി തിരച്ചിൽ തുടരുകയാണ്. പന്ത്രണ്ട് മണിക്കൂറോളം കടലിൽ ചെലവഴിക്കേണ്ടിവന്നെങ്കിലും, തനിക്ക് പറയത്തക്ക പരിക്കുകൾ ഒന്നും തന്നെ ഇല്ലെന്ന് ഗെല്ലെ മാധ്യമങ്ങളോട് പറഞ്ഞു. 2018 ൽ ആണ് ഇദ്ദേഹം മന്ത്രി ആയി ചുമതല ഏറ്റത്.
