December 08, 2021
December 08, 2021
ദോഹ : സൗദി കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിൻ സൽമാൻ ദോഹയിലെത്തി.ഖത്തർ അമീർ ശൈഖ് തമീം ബിൻ ഹമദ് അൽതാനി വിമാനത്താവളത്തിലെത്തി സൗദി രാജകുമാരനെ സ്വീകരിച്ചു.ഉപ അമീർ ശൈഖ് അബ്ദുല്ലാ ബിൻ ഹമദ് അൽതാനി,അമീറിന്റെ പ്രത്യേക പ്രതിനിധി ശൈഖ് ജാസിം ബിൻ ഹമദ് അൽതാനി മറ്റ് ഉന്നതതല പ്രതിനിധികളും അമീറിനൊപ്പം വിമാനത്താവളത്തിൽ എത്തിയിരുന്നു.
ഒമാനും യു.എ.ഇയും സന്ദർശിച്ച ശേഷമാണ് സൗദി കിരീടാവകാശി ദോഹയിൽ എത്തിയത്.നാളെയാണ് ഖത്തര് അമീറുമായുള്ള നിര്ണായക ചര്ച്ച നടക്കുക. വിവിധ മേഖലകളില് സഹകരണം ശക്തമാക്കുന്നതിനുള്ള ചര്ച്ചകള് കൂടിക്കാഴ്ച്ചയിലുണ്ടാകും. മേഖലയിലെയും അന്താരാഷ്ട്രതലത്തിലെയും രാഷ്ട്രീയ സാഹചര്യം ഇരുവരും ചര്ച്ച ചെയ്യും. ഇരുരാജ്യങ്ങളിലെയും മന്ത്രിതലസംഘവും ചര്ച്ചകളില് പങ്കെടുക്കും. ഖത്തറിനെതിരായ ഉപരോധം അവസാനിച്ച് നയതന്ത്രബന്ധം പുനസ്ഥാപിച്ചതിന് ശേഷം ഇതാദ്യമായാണ് സൌദി ഭരണരംഗത്തെ മുതിര്ന്ന നേതാവ് ഖത്തറിലെത്തുന്നത്
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക