February 08, 2022
February 08, 2022
മലപ്പുറം : പ്രശസ്ത ചരിത്രകാരൻ എം. ഗംഗാധരൻ അന്തരിച്ചു. 89 വയസായിരുന്നു. പരപ്പനങ്ങാടിയിലെ സ്വന്തം വസതിയിലായിരുന്നു അന്ത്യം. രാഷ്ട്രീയ വിശകലനം, നിരൂപണം തുടങ്ങിയ നിരവധി മേഖലകളിൽ പ്രഗത്ഭനായിരുന്ന ഇദ്ദേഹം, രണ്ടുതവണ കേരള സാഹിത്യ അക്കാദമി പുരസ്കാരത്തിന് അർഹനായിട്ടുണ്ട്.
പി.കെ നാരായണൻ നായരുടെയും മുറ്റയിൽ പാറുക്കുട്ടി അമ്മയുടെയും മകനായി 1933 ലായിരുന്നു ജനനം. മദ്രാസ് യൂണിവേഴ്സിറ്റിയിൽ നിന്നും ചരിത്രത്തിൽ ബിരുദം കരസ്ഥമാക്കുകയും, പിന്നീട് അധ്യാപന രംഗത്തേക്ക് കടക്കുകയും ചെയ്തു. കേന്ദ്രസർക്കാർ സ്ഥാപനത്തിൽ ഓഡിറ്ററായും സേവനം അനുഷ്ഠിച്ചിട്ടുണ്ട്. മലബാർ സമരത്തെ ആസ്പദമാക്കി നടത്തിയ ചരിത്ര പഠനത്തിലൂടെയാണ് ഡോക്ടറേറ്റ് നേടിയത്. കോഴിക്കോട് ഗവ കോളേജിലും ചരിത്രാധ്യാപകനായി ജോലി ചെയ്തിട്ടുണ്ട്.