January 11, 2022
January 11, 2022
അബുദാബി : പ്രമുഖ പ്രവാസി മലയാളിയും ലുലു ഗ്രൂപ്പ് ചെയർമാനുമായ എം.എ യൂസഫലിയുടെ ജീവചരിത്രം പുസ്തകരൂപത്തിലാക്കാൻ ആർക്കും അനുമതി നൽകിയിട്ടില്ലെന്ന് ലുലു ഗ്രൂപ്പ്. ഗ്രൂപ്പിന്റെ കമ്യൂണിക്കേഷൻസ് ഡയറക്ടർ വി നന്ദകുമാറാണ് ഇക്കാര്യത്തിൽ വിശദീകരണം നൽകിയത്. അറബിക്ക് ഭാഷയിൽ യൂസഫലിയുടെ ജീവചരിത്രം പുറത്തിറങ്ങുന്നു എന്ന അഭ്യൂഹങ്ങൾ പരന്നതിന് പിന്നാലെയാണ് ലുലു ഗ്രൂപ്പ് ഇക്കാര്യത്തിൽ വിശദീകരണവുമായി രംഗത്തെത്തിയത്.
പുസ്തകരചനയ്ക്ക് അനുമതി നൽകണമെന്ന ആവശ്യവുമായി ഒരാളും ഇതുവരെ സമീപിച്ചിട്ടില്ല. അറബ് മേഖലയിൽ പ്രവർത്തിക്കുന്ന വ്യക്തിയാണ് യൂസുഫലി എന്നതിനാൽ, പുസ്തകം സൂക്ഷ്മ പരിശോധനയ്ക്ക് പാത്രമാവും. അതിനാൽ തന്നെ, അത്തരത്തിൽ ഒരു പുസ്തകമെഴുതാൻ അനുമതി നൽകാൻ കഴിയില്ല- നന്ദകുമാർ വ്യക്തമാക്കി. ആരെങ്കിലും പുസ്തക രചനയുമായി മുന്നോട്ട് പോവുന്നത് ശ്രദ്ധയിൽ പെട്ടാൽ നിയമനടപടികൾ സ്വീകരിക്കാൻ മടിക്കില്ലെന്നും നന്ദകുമാർ കൂട്ടിച്ചേർത്തു.
