September 17, 2021
September 17, 2021
റാവൽപിണ്ടി : പാകിസ്ഥാനിൽ ഇന്ന് മുതൽ ആരംഭിക്കേണ്ടിയിരുന്ന ഏകദിന-ട്വന്റി ട്വന്റി പരമ്പരയിൽ നിന്നും ന്യൂസിലന്റ് പിന്മാറി. ആദ്യ ഏകദിനത്തിനായുള്ള എല്ലാ തയ്യാറെടുപ്പുകളും പൂർത്തിയായ ശേഷമാണ് തങ്ങൾ പരമ്പരയിൽ നിന്ന് പിന്മാറുകയാണ് എന്ന് ന്യൂസിലന്റ് ക്രിക്കറ്റ് ബോർഡ് അറിയിച്ചത്.
18 വർഷങ്ങളുടെ ഇടവേളയ്ക്ക് ശേഷമാണ് കിവികൾ പാകിസ്ഥാനിൽ കളിക്കാനെത്തിയത്. പാക്കിസ്ഥാൻ പ്രധാനമന്ത്രി ന്യൂസിലന്റ് പ്രധാനമന്ത്രിയുമായി ഫോണിൽ ബന്ധപ്പെട്ട് കളിക്കാരുടെ സുരക്ഷയുടെ കാര്യത്തിൽ ഉറപ്പ് നൽകിയിരുന്നു. സർക്കാറിന്റെ സഹായത്തോടെ പഴുതടച്ച സുരക്ഷ ഒരുക്കുമെന്ന് പാകിസ്ഥാൻ ക്രിക്കറ്റ് ബോർഡ് പ്രഖ്യാപിച്ചിരുന്നെങ്കിലും, ന്യൂസിലന്റ് ഗവണ്മെന്റ് പരമ്പര ഉപേക്ഷിക്കാൻ തീരുമാനിക്കുകയായിരുന്നു. അതേസമയം, എന്ത് തരത്തിലുള്ള സുരക്ഷാഭീഷണിയാണ് തങ്ങൾക്കുള്ളതെന്ന് വിശദീകരിക്കാൻ ന്യൂസിലന്റ് ക്രിക്കറ്റ് ബോർഡ് തയ്യാറായില്ല. ടീം വൈകാതെ നാട്ടിലേക്ക് മടങ്ങും