December 31, 2021
December 31, 2021
തിരുവനന്തപുരം : സംസ്ഥാനത്ത് 44 പേർക്ക് കൂടി ഒമിക്രോൺ സ്ഥിരീകരിച്ചതായി ആരോഗ്യമന്ത്രി വീണ ജോർജ്ജ് അറിയിച്ചു. 7 പേർക്ക് സമ്പർക്കത്തിലൂടെ രോഗം ബാധിച്ചപ്പോൾ, 37 പേർ വിദേശരാജ്യങ്ങളിൽ നിന്നും എത്തിയവരാണ്. ഇവരിൽ 10 പേർ ഹൈ റിസ്ക് രാജ്യങ്ങളിൽ നിന്നും, 27 പേർ ലോ റിസ്ക് രാജ്യങ്ങളിൽ നിന്നും വന്നവരാണ്.
കൊല്ലം 4, കോട്ടയം 2, തിരുവനന്തപുരം 1 എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചവരുടെ കണക്കുകൾ. എറണാകുളത്ത് 4 പേര് യുഎഇയില് നിന്നും, 3 പേര് യുകെയില് നിന്നും, 2 പേര് ഖത്തറില് നിന്നും, ഒരാള് വീതം സൗത്ത് ആഫ്രിക്ക, ഇസ്രേയല്, മാള്ട്ട എന്നിവിടങ്ങളില് നിന്നും വന്നവരാണ്. കൊല്ലത്ത് 5 പേര് യുഎഇയി, ഒരാള് ഈസ്റ്റ് ആഫ്രിക്ക, തിരുവനന്തപുരത്ത് 6 പേര് യുഎഇ, ഒരാള് ഖത്തർ , തൃശൂരില് 3 പേര് യുഎഇ, ഒരാള് യുകെ എന്നിവിടങ്ങളില് നിന്നുമാണ് വന്നത്. പാലക്കാട്, നൈജീരിയ, യുഎഇ എന്നിവിടങ്ങളില് നിന്നും മലപ്പുറത്ത് യുകെ, സ്പെയിന് എന്നിവിടങ്ങളില് നിന്നും, കണ്ണൂരില് സ്വീഡന്, യുഎഇ എന്നിവിടങ്ങളില് നിന്നും, ആലപ്പുഴയില് ഇറ്റലിയില് നിന്നും, ഇടുക്കിയില് സ്വീഡനില് നിന്നും വന്നവര്ക്കും ഒമിക്രോണ് സ്ഥിരീകരിച്ചു.