November 18, 2021
November 18, 2021
ഡാലസ് : അമേരിക്കൻ നഗരമായ ഡാലസിൽ ഉണ്ടായ വെടിവെപ്പിൽ മലയാളിയായ വ്യവസായി കൊല്ലപ്പെട്ടു. പത്തനംതിട്ട കോഴഞ്ചേരി സ്വദേശിയായ സാജൻ മാത്യൂസ് ആണ് കൊല്ലപ്പെട്ടത്. 56 വയസായിരുന്നു. ഡാലസിലെ കൗണ്ടി മസ്കിറ്റ് പ്രവിശ്യയിൽ ബ്യൂട്ടി സപ്ലൈ സ്റ്റോർ നടത്തിയിരുന്ന സാജനെ കടയിൽ അതിക്രമിച്ച് കയറിയ അക്രമി വെടിവെച്ച് വീഴ്ത്തുകയായിരുന്നു.
ആക്രമിച്ച വ്യക്തിയുടെ വിവരങ്ങൾ പോലീസ് പുറത്ത് വിട്ടിട്ടില്ലെങ്കിലും, മോഷണശ്രമമായിരുന്നു ഉദ്ദേശമെന്നാണ് പ്രാഥമികറിപ്പോർട്ടുകൾ. സംഭവസ്ഥലത്ത് ഉടനെത്തിയ പോലീസ് സാജനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. 2005 ൽ കുവൈത്തിൽ നിന്നാണ് സാജൻ കുടുംബസമേതം അമേരിക്കയിലേക്ക് ചേക്കേറിയത്. ഡാലസ് പ്രസ്ബിറ്റിരിയൻ ഹോട്ടലിൽ നേഴ്സായ മിനിയാണ് ഭാര്യ. രണ്ട് മക്കളുണ്ട്.