December 29, 2021
December 29, 2021
കോഴിക്കോട് : സിനിമാ സംഗീതജ്ഞൻ കൈതപ്രം വിശ്വനാഥൻ അന്തരിച്ചു. 58 വയസായിരുന്നു. ഗാനരചയിതാവും സംഗീതസംവിധായകനുമായ കൈതപ്രം ദാമോദരൻ നമ്പൂതിരിയുടെ സഹോദരനാണ്. ക്യാൻസർ ബാധിതനായി കോഴിക്കോട് എം.വി. ആർ കാൻസർ സെന്ററിൽ ചികിത്സയിൽ ഇരിക്കെയാണ് മരണം.
പരേതരായ കണ്ണാടി കേശവൻ നമ്പൂതിരിയുടെയും അദിതി അന്തർജ്ജനത്തിന്റെയും മകനായി കണ്ണൂർജില്ലയിലെ കൈതപ്രം ഗ്രാമത്തിലായിരുന്നു ജനനം. തിരുവനന്തപുരം സംഗീതകോളേജിൽ നിന്നും പഠിച്ചിറങ്ങിയ വിശ്വനാഥൻ, കളിയാട്ടത്തിലൂടെയാണ് സംഗീതസംവിധാനരംഗത്തേക്ക് കടന്നു വന്നത്. ചിത്രത്തിലെ, 'വേളിക്ക് വെളുപ്പാൻ കാലം' എന്ന ഗാനം ഏറെ ശ്രദ്ധിക്കപ്പെട്ടു. തിളക്കം, കണ്ണകി തുടങ്ങിയ ഇരുപതോളം ചിത്രങ്ങൾക്ക് വിശ്വനാഥൻ സംഗീതസംവിധാനം നിർവഹിച്ചിട്ടുണ്ട്. ഒരു തവണ മികച്ച പശ്ചാത്തലസംഗീതത്തിനുള്ള സംസ്ഥാനഅവാർഡും ഇദ്ദേഹത്തെ തേടിയെത്തി.
