March 24, 2022
March 24, 2022
ലണ്ടൻ : അമേരിക്കയുടെ യുദ്ധരഹസ്യങ്ങൾ അടക്കമുള്ള നിരവധി രേഖകൾ ചോർത്തിയതിലൂടെ പ്രശസ്തനായ ജൂലിയൻ അസാഞ്ച് വിവാഹിതനായി. ലണ്ടനിലെ ജയിലിൽ കഴിയുന്ന അസാഞ്ച്, ജയിലിൽ വെച്ച് തന്നെയാണ് പങ്കാളി സ്റ്റെല്ല മോറിസിനെ വിവാഹം ചെയ്തത്. ഇറാഖിലും അഫ്ഗാനിസ്ഥാനിലും അമേരിക്കൻ സൈന്യം നടത്തിയ അധിനിവേശനടപടികൾ സംബന്ധിച്ചുള്ള റിപ്പോർട്ടുകൾ പുറത്തുവിട്ടതോടെയാണ് അസാഞ്ച് ജയിലിലായത്.
അസാഞ്ചിനെ അമേരിക്കയിലെ ജയിലിൽ എത്തിച്ച് വിചാരണയ്ക്ക് വിധേയനാക്കാനുള്ള പരിശ്രമത്തിലാണ് അമേരിക്ക. ഇതിനായി അമേരിക്ക നൽകിയ അപ്പീൽ കഴിഞ്ഞയാഴ്ച്ച യു.കെ സുപ്രീം കോടതി തള്ളിയിരുന്നു. കഴിഞ്ഞ നവംബറിലാണ് മോറിസിനെ ജയിലിൽ വെച്ച് വിവാഹം കഴിക്കാൻ കോടതി അസാഞ്ചിന് അനുമതി നൽകിയത്. താൻ ഒരേ സമയം സന്തോഷവതിയും ദുഖിതയും ആണെന്നായിരുന്നു മോറിസിന്റെ പ്രതികരണം. അസാഞ്ചിന്റെ പിതാവ് റിച്ചാർഡും വിവാഹച്ചടങ്ങുകളിൽ പങ്കെടുത്തു.