August 31, 2021
August 31, 2021
ടോക്കിയോ : ബ്രിട്ടന് പിന്നാലെ ജപ്പാനും തങ്ങളുടെ അഫ്ഗാനിസ്ഥാൻ എംബസി ഖത്തറിലേക്ക് മാറ്റി സ്ഥാപിക്കുന്നു. തുർക്കിയിൽ പ്രവർത്തിക്കാൻ ആയിരുന്നു ആദ്യ നീക്കമെങ്കിലും, താലിബാന്റെ ഓഫീസ് ഖത്തറിൽ ഉള്ളതിനാൽ ഖത്തർ തിരഞ്ഞെടുക്കുകയായിരുന്നുവെന്ന് ജപ്പാനീസ് നയതന്ത്രജ്ഞൻ മാധ്യമങ്ങളോട് പറഞ്ഞു.
ജപ്പാൻ വിദേശകാര്യമന്ത്രി ടൊഷിമിറ്റ്സു മൊടേഗി ഈ മാസമാദ്യം മിഡിൽ ഈസ്റ്റ് സന്ദർശിച്ചിരുന്നു. ജപ്പാനും അഫ്ഗാനിസ്ഥാനും ഇടയിലുള്ള ബന്ധം കാത്തുസൂക്ഷിക്കുന്നതിൽ ഖത്തറിന് സഹായിക്കാൻ ആവുമെന്നാണ് ഏഷ്യൻ രാജ്യത്തിന്റെ പ്രതീക്ഷ. അഫ്ഗാനിസ്ഥാനിൽ നിന്നും തങ്ങളുടെ പൗരന്മാരെ ആദ്യം തന്നെ പുറത്തെത്തിക്കാൻ ജപ്പാന് സാധിച്ചിരുന്നു. ബ്രിട്ടനാണ് ഇക്കാര്യത്തിൽ ജപ്പാന് വേണ്ട സഹായങ്ങൾ ഒരുക്കിയത്. കഴിഞ്ഞ വ്യാഴം, വെള്ളി ദിവസങ്ങളിലായി അമേരിക്കൻ സൈന്യത്തിന്റെ അഭ്യർത്ഥന കണക്കിലെടുത്ത് ഒരു ജാപ്പനീസ് പൗരനെയും, പതിനാല് അഫ്ഗാൻ സ്വദേശികളെയും ജപ്പാൻ പാകിസ്ഥാനിൽ എത്തിച്ചിരുന്നു.