January 11, 2022
January 11, 2022
ദോഹ : ഖത്തറിലെ സ്വകാര്യ ക്ലിനിക്കുകളിൽ നിന്നും കോവിഡ് പരിശോധന നടത്തി, പോസിറ്റീവ് ആവുന്നവരുടെ പരിശോധനാ ഫലം ഇഹ്തിറാസ് ആപ്പിൽ ലഭ്യമാവുന്നില്ലെന്ന് പരാതി. പരിശോധന നടത്തിയ വിവരവും ആപ്പിൽ കാണിക്കുന്നില്ലെന്ന് പരാതി ഉയരുന്നുണ്ട്. അതേസമയം, പി.എച്ച്.സി.സി വഴി ചെയ്യുന്ന പരിശോധനകളുടെ ഫലം ഉടനടി ലഭ്യമാവുന്നുണ്ട്.
ഈ പ്രശ്നങ്ങൾ ജനുവരി പത്തോടെ പരിഹരിക്കപ്പെടുമെന്നായിരുന്നു ആരോഗ്യമന്ത്രാലയത്തിന്റെ അറിയിപ്പ്. എന്നാൽ, കോവിഡ് പോസിറ്റീവ് ആയവരുടെ ആപ്പിൽ പോലും ഇപ്പോഴും ഗ്രീൻ സ്റ്റാറ്റസ് തെളിഞ്ഞുനിൽക്കുകയാണ്. പ്രശ്നം ഉടനെ പരിഹരിക്കപ്പെട്ടില്ലെങ്കിൽ, ഈ സാങ്കേതിക തകരാറിനെ മുതലെടുത്ത്, രോഗികൾ പുറത്തിറങ്ങി നടക്കാനുള്ള സാധ്യത കൂടുതലാണ്.
