December 03, 2021
December 03, 2021
ജറുസലേം : നിലവിൽ കൈവശമുള്ള ആയുധങ്ങൾക്ക് പുറമെ 2.4 ബില്യൺ മുടക്കി ലോക്ക്ഹീഡ് ഹെലികോപ്റ്ററുകൾ വാങ്ങാൻ ഇസ്രായേൽ ഒരുങ്ങുന്നു. ഇറാനെ ആക്രമിക്കാനാണ് ഈ നീക്കമെന്ന് വൈനെറ്റ് പത്രം റിപ്പോർട്ട് ചെയ്തു. അയേൺ ഡോം മിസൈൽ പ്രതിരോധസിസ്റ്റം വാങ്ങാനുള്ള കരാറിൽ ഒപ്പിട്ടതിന് പിന്നാലെയാണ് ഇസ്രായേൽ ഹെലികോപ്റ്റർ ശേഖരവും വർധിപ്പിക്കാൻ തീരുമാനിച്ചത്.
ആണവശേഖരവുമായി ബന്ധപ്പെട്ട് ഇറാനിൽ നിന്ന് വരുന്ന വാർത്തകൾ ഇസ്രയേലിനെ പ്രകോപിപ്പിച്ചു എന്നും അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്തു. അന്താരാഷ്ട്രതലത്തിൽ ഇറാൻ നടത്തുന്ന ഇടപെടലുകളിൽ ഇസ്രായേലിന് അതൃപ്തിയുണ്ടെന്നും വൈനെറ്റ് റിപ്പോർട്ട് ചെയ്യുന്നു. സൈന്യത്തിന്റെ മുന്നൊരുക്കം വർധിപ്പിച്ച്, ഇറാനെതിരെ ആക്രമണം നടത്താൻ ഇസ്രായേൽ തുനിയുമെന്ന വാർത്തയെ ഗൗരവത്തോടെയാണ് ലോകം നോക്കിക്കാണുന്നത്.
