August 25, 2022
August 25, 2022
ദോഹ : ഐ സി എഫ് ദോഹ സെൻട്രൽ കമ്മിറ്റി സംഘടിപ്പിച്ച സ്വാതന്ത്ര്യ ദിന ക്വിസ് മത്സരത്തിലെ വിജയികളെ പ്രഖ്യാപിച്ചു. രാജ്യത്തിന്റെ വിവിധ ഭാഗങ്ങളിൽ നിന്നുള്ള നിരവധിപേർ പങ്കെടുത്ത മത്സരത്തിൽ നജഫുദീൻ ടി കെ(മൻസൂറ) ഒന്നാം സ്ഥാനം നേടി. മുഹമ്മദ് ഹനീഫ(അൽഖോർ), ഷിറിൻ ഷബീർ (അൽവാബ്‌) എന്നിവർ രണ്ടും മൂന്നും സ്ഥാനങ്ങൾക്ക് അർഹരായി. ഓൺലൈൻ വഴി നടന്ന ചടങ്ങിൽ ഐ സി എഫ് ഖത്തർ നാഷണൽ ജനറൽ സെക്രട്ടറി ഡോക്ടർ ബഷീർ പുത്തൂപ്പാടമാണ് വിജയികളെ പ്രഖ്യാപിച്ചത്.
ഒന്നാം സ്ഥാനം നേടിയ നജഫുദീൻ മലപ്പുറം ജില്ലയിലെ വാഴക്കാട് സ്വദേശിയാണ്. ഖത്തറിൽ ഹമദ് ഹോസ്പിറ്റലിൽ ജീവനക്കാരനാണ്.
'സ്വാതന്ത്ര്യം തന്നെ ജീവിതം' എന്ന പ്രമേയത്തിൽ ഐ സി എഫ് ഇന്റർനാഷണൽ പ്രഖ്യാപിച്ച സ്വാതന്ത്ര്യ ദിനാഘോഷങ്ങളുടെ ഭാഗമായാണ് ക്വിസ് മത്സരം നടന്നത്. നേരത്തെ നടന്ന സോഷ്യൽ ട്വീറ്റ് മത്സരത്തിൽ അബ്ദുൽ സലീം (ബിൻമഹ്മൂദ്) ഒന്നാം സ്ഥാനവും ജസീർ കെട്ടുങ്ങൽ രണ്ടാം സ്ഥാനവും നേടിയിരുന്നു. സ്റ്റാറ്റസ് വിഡിയോ മത്സരത്തിൽ തഹാറ ഉമ്മർ (വക്‌റ), മുനാസ് സഖാഫി (ബിൻ മഹ്‌മൂദ്‌) എന്നിവർ ഒന്നും രണ്ടും സ്ഥാനങ്ങൾക്ക് അർഹരായി. ഐ സി എഫ് ദോഹ സെൻട്രൽ അഡ്മിൻ & പി ആർ വിഭാഗമാണ് മത്സരങ്ങൾക്ക് നേതൃത്വം നൽകിയത്. വിജയികൾക്ക് ഐ സി എഫ് ദോഹ സെൻട്രൽ കമ്മിറ്റി സർട്ടിഫിക്കറ്റും സമ്മാനവും നൽകും.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
