February 08, 2022
February 08, 2022
കൊച്ചി : കേന്ദ്ര വാർത്താ വിതരണ മന്ത്രാലയം ഏർപ്പെടുത്തിയ വിലക്കിനെതിരെ മീഡിയ വൺ സമർപ്പിച്ച ഹർജി ഹൈക്കോടതി തള്ളി. കഴിഞ്ഞ ആഴ്ച്ചയാണ് ചാനലിന്റെ സംപ്രേക്ഷണം കേന്ദ്രം തടഞ്ഞത്. ഇതിനെതിരെ നൽകിയ അപ്പീൽ പരിഗണിച്ച കോടതി രണ്ടുതവണ വിലക്കിന് സ്റ്റേ ഏർപ്പെടുത്തിയിരുന്നു. എന്നാൽ, കേന്ദ്രം സമർപ്പിച്ച റിപ്പോർട്ട് പരിശോധിച്ച റിപ്പോർട്ട് പഠനവിധേയമാക്കിയ കോടതി, ചാനൽ അടച്ചിടാനുള്ള തീരുമാനം ശരിവെക്കുകയായിരുന്നു.
ഗുരുതര സ്വഭാവമുള്ള ആരോപണങ്ങളാണ് ചാനലിനെതിരെ ഉയർന്നിട്ടുള്ളതെന്നും ഇന്റലിജൻസ് റിപ്പോർട്ടുകളെ കണക്കിലെടുക്കേണ്ടതുണ്ടെന്നും ഹൈക്കോടതി വിലയിരുത്തി. റിപ്പോർട്ടിലെ ഉള്ളടക്കം പൊതുജനങ്ങൾക്ക് ലഭ്യമാക്കാൻ കഴിയില്ലെന്നും കോടതി ചൂണ്ടിക്കാട്ടി. ജസ്റ്റിസ് എൻ.നാഗരേഷിന്റെ നേതൃത്വത്തിലുള്ള ബെഞ്ചാണ് കേന്ദ്രത്തിന് അനുകൂലമായ വിധിപ്രഖ്യാപനം നടത്തിയത്. കേന്ദ്രത്തിന്റെ ക്ലിയറൻസ് സർട്ടിഫിക്കറ്റ് ഇല്ലാത്തതിനാൽ ചാനലിന് ഇനി സംപ്രേക്ഷണം തുടരാനാവില്ല.