October 12, 2021
October 12, 2021
സംസ്ഥാനത്ത് ഉടനീളം മഴ ശക്തമാകുന്നു. മലപ്പുറം കരിപ്പൂരിൽ മഴയിൽ വീട് തകർന്ന് ഏഴ് മാസം പ്രായമുള്ള കുഞ്ഞടക്കം രണ്ട് കുട്ടികൾ മരിച്ചു. എട്ട് വയസുകാരി റിസ്വാന, ഏഴ് മാസം പ്രായമുള്ള റിൻസാന എന്നിവർക്കാണ് ജീവൻ നഷ്ടപെട്ടത്. ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. കരിപ്പൂർ സ്വദേശിയായ മുഹമ്മദ് കുട്ടിയുടെ വീടാണ് തകർന്ന് വീണത്. പുലർച്ചെ അഞ്ചുമണിയോടെ ആയിരുന്നു അപകടം.
വെള്ളിയാഴ്ച വരെ മഴ തുടർന്നേക്കുമെന്നാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്. ഇന്ന് ആറ് ജില്ലകളിൽ ഓറഞ്ച് അലേർട്ടും, ഏഴ് ജില്ലകളിൽ യെല്ലോ അലേർട്ടും പ്രഖ്യാപിച്ചിട്ടുണ്ട്. പുഴകളും ഡാമുകളും നിറയാൻ ആരംഭിച്ചതിനാൽ തീരങ്ങളിൽ താമസിക്കുന്നവർ അതീവജാഗ്രത പാലിക്കണമെന്ന് അധികൃതർ അറിയിച്ചു. കനത്ത മഴയേ തുടർന്ന് മണ്ണിടിഞ്ഞ അട്ടപ്പാടി ചുരത്തിൽ രാത്രി യാത്ര നിരോധിച്ചതായും അധികൃതർ അറിയിച്ചു.