March 31, 2022
March 31, 2022
ദോഹ : റമദാൻ മാസത്തിൽ ഹമദ് മെഡിക്കൽ കോർപറേഷനിലെ വിവിധ വിഭാഗങ്ങൾ ഏതൊക്കെ സമയം തുറന്ന് പ്രവർത്തിക്കുമെന്ന് അധികൃതർ പ്രഖ്യാപിച്ചു. മുഴുവൻ തീവ്രപരിചരണവിഭാഗങ്ങളും, കോവിഡ് 19 ഹെല്പ്ലൈനും മുഴുവൻ ദിവസങ്ങളിലും 24 മണിക്കൂറും സേവനം നൽകും. അതേസമയം, രോഗികളെ പരിശോധിക്കുന്ന ഡിപ്പാർട്ട്മെന്റ് ക്ലിനിക്കുകൾ ഞായർ മുതൽ വ്യാഴം വരെ രാവിലെ ഒൻപത് മണി മുതൽ ഉച്ചയ്ക്ക് രണ്ട് മണിവരെയാണ് പ്രവർത്തിക്കുക. ടെലിഫോണിലൂടെ നൽകുന്ന അർജന്റ് കൺസൾട്ടേഷൻ സൗകര്യവും ഇതേ സമയഘടന പിന്തുടരും. 16000 നമ്പറിലൂടെയാണ് ഈ സേവനം ലഭിക്കുക.
മാനസിക ആരോഗ്യ വിഭാഗം ശനി മുതൽ വ്യാഴം വരെയുള്ള ദിവസങ്ങളിൽ രാവിലെ ഒൻപത് മണി മുതൽ വൈകീട്ട് അഞ്ച് വരെ പ്രവർത്തിക്കും. ഫാർമസി ഹോം ഡെലിവറി സർവീസ് ഇതേദിവസങ്ങളിൽ രാവിലെ 9 മണി മുതൽ രണ്ട് മണിവരെ പ്രവർത്തിക്കും. ദന്തരോഗ ഹോസ്പിറ്റലിൽ ഞായർ മുതൽ വ്യാഴം വരെയാണ് രോഗികളെ പരിശോധിക്കുക. രാവിലെ 9 മുതൽ ഉച്ചയ്ക്ക് 2 വരയും, വൈകീട്ട് 8:30 മുതൽ 11: 30 വരെയുമാണ് പ്രവർത്തനസമയം. പ്രമേഹരോഗികൾക്കായുള്ള ഹോട്ട്ലൈൻ സേവനം എല്ലാദിവസവും രാവിലെ 8 മണി മുതൽ വൈകീട്ട് 5:30 വരെ ലഭിക്കും. 16099 എന്ന നമ്പറിലാണ് ഇതിനായി ബന്ധപ്പെടേണ്ടത്.
