November 25, 2021
November 25, 2021
ദോഹ : ഹമദ് മെഡിക്കൽ കോർപറേഷനിൽ ഓ നെഗറ്റീവ്, ഓ പോസിറ്റീവ്, എ നെഗറ്റീവ്, ബി നെഗറ്റീവ്, എബി നെഗറ്റീവ് എന്നീ ഗ്രൂപ്പുകളിൽ പെട്ട രക്തദാതാക്കളെ ആവശ്യമുണ്ടെന്ന് അധികൃതർ അറിയിച്ചു. ഹമദ് ജനറൽ ഹോസ്പിറ്റലിൽ ഇതിനായി പ്രത്യേക കൗണ്ടർ പ്രവർത്തിക്കും. ഞായർ മുതൽ വ്യാഴം വരെ രാവിലെ 7 മുതൽ രാത്രി 9:30 വരെയും, ശനിയാഴ്ച രാവിലെ 8 മുതൽ ഉച്ചയ്ക്ക് 2 മണിവരെയും ക്യാമ്പ് പ്രവർത്തിക്കും.
കോവിഡിന്റെ സാഹചര്യത്തിൽ രക്തം നൽകാനെത്തുന്നവർ ടെസ്റ്റുകൾക്ക് വിധേയരാകണം. 17 വയസിന് മുകളിൽ പ്രായമുള്ളവർക്കാണ് രക്തം ദാനം ചെയ്യാൻ കഴിയുക. 50 കിലോ എങ്കിലും ശരീരഭാരവും, 13ഗ്രാം എങ്കിലും ഹീമോഗ്ലോബിൻ അളവും ഉള്ളവർക്കാണ് രക്തദാനം നിർവഹിക്കാൻ കഴിയുക. വനിതകൾക്ക് 12.5 ശതമാനം ഹീമോഗ്ലോബിനാണ് വേണ്ടത്. പനിയോ മറ്റ് ശാരീരിക അസ്വസ്ഥതകളോ ഇല്ലാത്ത ആളുകൾ സന്നദ്ധരെങ്കിൽ ക്യാമ്പിൽ എത്തണമെന്ന് ഹമദ് അധികൃതർ അറിയിച്ചു.
