May 22, 2022
May 22, 2022
ദോഹ : ദോഹ രാജ്യാന്തര വിമാനത്താവളത്തിൽ ഡിപ്പാർച്ചർ,അറൈവൽ ഭാഗങ്ങളിലേക്കുള്ള വാഹനങ്ങളുടെ പ്രവേശനം നിയന്ത്രിക്കുന്നു.ആദ്യം പരീക്ഷണാടിസ്ഥാനത്തിൽ നടപ്പാക്കിയ ശേഷം പിന്നീട് നിയന്ത്രണം പൂർണതോതിൽ നടപ്പാക്കുമെന്ന് വിമാനത്താവളം അധികൃതർ അറിയിച്ചു.ഈ ഭാഗങ്ങളിൽ യാത്രക്കാരെ ഇറക്കുന്നതും സ്വീകരിക്കുന്നതും പൂർണമായും നിരോധിക്കാനാണ് ലക്ഷ്യമാക്കുന്നത്.പകരം,കാർ പാർക്ക് ചെയ്യുന്നതിനുള്ള പാർക്കിങ് സ്ഥലങ്ങളിൽ തന്നെ യാത്രക്കാരെ ഇറക്കാനും സ്വീകരിക്കാനുമുള്ള സൗകര്യമൊരുക്കും.
പരീക്ഷണ കാലയളവിൽ ഉപഭോക്താക്കളുടെ തിരക്കൊഴിവാക്കാൻ ഇരുപത് മിനിറ്റ് ഗ്രേസ് പിരീഡ് അനുവദിക്കുമെന്നും അതിന് ശേഷമുള്ള സമയത്തിന് മാത്രം പണം നൽകിയാൽ മതിയെന്നും അധികൃതർ അറിയിച്ചു.ജൂൺ 13 രാവിലെ 10 മണി മുതലാണ് പരീക്ഷണാടിസ്ഥാനത്തിൽ തീരുമാനം നടപ്പാക്കുക.
പാർക്കിംഗ് ഫീസ് രണ്ടാം നിലയിൽ കാർ പാർക്കിന് മുമ്പുള്ള മെഷിനിൽ അടക്കണം. കാർ പാർക്കിൽ നിന്ന് പുറത്തുകടക്കുമ്പോൾ പാർക്കിംഗ് ഫീസ് കൊടുക്കാനുള്ള സൗകര്യമില്ല.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
