August 25, 2022
August 25, 2022
ദോഹ: ഹമദ് മെഡിക്കൽ കോർപറേഷന്റെ ബ്ലഡ് ഡോണർ സെന്ററുകളിൽ ആർഎച്ച് നെഗറ്റീവ് ഗ്രൂപ്പുകളിൽ പെട്ട രക്തം അടിയന്തരമായി ആവശ്യമുണ്ടെന്ന് അധികൃതർ അറിയിച്ചു.
ഒ നെഗറ്റിവ് രക്തവും എല്ലാ ആർഎച്ച് (എ-നെഗറ്റിവ്,,ബി-നെഗറ്റിവ്,എബി നെഗറ്റിവ് ) നെഗറ്റീവായ രക്തവും ആവശ്യമാണെന്ന് ഹമദ് മെഡിക്കൽ കോർപ്പറേഷൻ ട്വീറ്റ് ചെയ്തു.
ഞായറാഴ്ച മുതൽ വ്യാഴം വരെ രാവിലെ 7 മുതൽ രാത്രി 9:30 വരെയും ശനിയാഴ്ച രാവിലെ 8 മുതൽ ഉച്ചയ്ക്ക് 2 വരെയും ബ്ലഡ് ഡോണർ സെന്റർ (ബൈത്ത് അൽ ദിയാഫ) സന്ദർശിച്ച് രക്തദാനം നടത്താം. വെള്ളിയാഴ്ചകളിൽ കേന്ദ്രം പ്രവർത്തിക്കില്ല.
ഞായറാഴ്ച മുതൽ വ്യാഴം വരെ രാവിലെ 7 മുതൽ രാത്രി 9.30 വരെ രക്തദാതാക്കൾക്ക് സാറ്റലൈറ്റ് ബ്ലഡ് ഡോണർ സെന്ററിൽ എത്തിയും (സർജിക്കൽ സ്പെഷ്യാലിറ്റി സെന്ററിന് എതിർവശത്ത്) രക്തം ദാനം ചെയ്യാം.
