November 30, 2021
November 30, 2021
അലബാമ : അമേരിക്കയിലെ അലബാമയിൽ മലയാളി പെൺകുട്ടി വെടിയേറ്റ് മരിച്ചു. തിരുവല്ല സ്വദേശിനിയായ മറിയം സൂസൻ മാത്യു ആണ് കൊല്ലപ്പെട്ടത്. 19 വയസായിരുന്നു. മറിയത്തിന്റെ വീടിന്റെ മുകൾ നിലയിൽ താമസിച്ചിരുന്ന ആൾ ഉതിർത്ത ബുള്ളറ്റ്, സീലിംഗ് തുളച്ചാണ് മറിയമിനെ കൊലപ്പെടുത്തിയത്.
ബോധപൂർവമുള്ള കൊലപാതകം ആണോ എന്ന് ഇതുവരെ തെളിഞ്ഞിട്ടില്ലെന്നും, സംഭവത്തിൽ വിശദമായ അന്വേഷണം നടത്തുമെന്നും പോലീസ് അറിയിച്ചു. ഉറങ്ങിക്കിടന്നിരുന്ന മറിയത്തിന്റെ തലയിലാണ് വെടിയുണ്ട ഏറ്റത്. തിരുവല്ല നോര്ത്ത് നിരണം ഇടപ്പള്ളി പറമ്പില് വീട്ടില് ബോബന് മാത്യുവിന്റെയും ബിന്സിയുടെയും മകളാണ് മറിയം. ബോബന് മാത്യു മലങ്കര ഓര്ത്തോഡോക്സ് സുറിയാനി സഭയുടെ അഹമ്മദാബാദ് ഭദ്രാസന കൗണ്സില് അംഗമാണ്. അലബാമയില് നിന്ന് മൃതദേഹം കേരളത്തിലേക്കു കൊണ്ടുവരാനുള്ള നടപടികള് പുരോഗമിക്കുകയാണെന്ന് ബന്ധുക്കൾ അറിയിച്ചു.