January 08, 2022
January 08, 2022
ദോഹ : പുതുതായി ആരംഭിച്ച ലുസൈൽ ഡ്രൈവ് ത്രൂ കോവിഡ് ടെസ്റ്റിംഗ് സെന്ററിൽ രോഗലക്ഷണങ്ങൾ ഉളള, അൻപത് പിന്നിട്ട ആളുകൾക്ക് സൗജന്യമായി പരിശോധന നടത്താൻ സൗകര്യം ഒരുക്കുമെന്ന് അധികൃതർ അറിയിച്ചു. രോഗം സ്ഥിരീകരിച്ചവരുമായി നേരിട്ട് സമ്പർക്കം ഉള്ളവർക്കും പരിശോധന സൗജന്യമാണ്. അതേസമയം, യാത്ര ചെയ്യാനായി പീസീആർ പരിശോധനക്ക് എത്തുന്നവർ തെളിവായി യാത്രാ രേഖ ഹാജരാക്കുകയും 160 റിയാൽ അടക്കുകയും വേണം.
ക്രെഡിറ്റ് കാർഡ് രീതിയിലൂടെ മാത്രമേ പണമടക്കാൻ കഴിയൂ എന്നും, നോട്ടുകൾ സ്വീകരിക്കില്ലെന്നും അധികൃതർ ഓർമിപ്പിച്ചു. 24 മുതൽ 48 മണിക്കൂർ വരെ സമയമെടുത്താണ് ഫലം ലഭിക്കുക. ഒരു വാഹനത്തിൽ പരമാവധി നാല് പേരെ ഉൾക്കൊള്ളിച്ചാണ് സെന്ററിൽ എത്തേണ്ടത്. രാവിലെ എട്ട് മണിമുതൽ രാത്രി 10 വരെ പ്രവർത്തിക്കുന്ന ഈ സെന്ററിൽ, ടാക്സി കാറിലെത്തിയും പരിശോധന നടത്താം.
