December 21, 2021
December 21, 2021
ദോഹ : മാന്യതയുടെ സകലസീമകളും ലംഘിക്കുന്ന ഒരു ദൃശ്യമാണ് ഖത്തറിലെ സോഷ്യൽ മീഡിയയിൽ ഇപ്പോൾ ചർച്ചാവിഷയം. റോഡിലൂടെ നടന്ന് പോവുകയായിരുന്ന ഒരു കുടുംബത്തിന് നേരെ ഓടിയടുത്ത രണ്ട് ബാലന്മാർ, തങ്ങളുടെ കൈവശമുണ്ടായിരുന്ന ഫോം സ്പ്രേ ഉപയോഗിച്ച് കുടുംബത്തെ ശല്യം ചെയ്യുന്ന വീഡിയോ ആണ് വൈറലായത്. കുട്ടികളുടെ കൂട്ടത്തിലുള്ള ഒരാൾ തന്നെയാണ് കാറിന് മുകളിലിരുന്ന് ദൃശ്യങ്ങൾ പകർത്തിയത്. ദേശീയദിന ആഘോഷങ്ങൾക്കിടെയാണ് സംഭവം നടന്നതെന്നാണ് റിപ്പോർട്ടുകൾ.
تم الإعتداء على عائلة تمارس رياضة المشي بكل أمان والسبب الإحتفال المشين في #اليوم_الوطني_القطري بكل قلة أدب يتم السماح لهؤلاء بالحرية والعبث كُل سنة دون رادع وهناك توافه يؤيدون إستمرار قلة الأدب هذه بحجج تافهه ..
— حمد القحطانيHAMAD@hamdanqtr55500) December 20, 2021
بمثل هؤلاء تضيع الأمانة في بلادي. #مرابع_الأجداد_أمانة pic.twitter.com/TBltpnHCMk
ഫുട്ബോൾ ലോകകപ്പ് പോലൊരു പരിപാടിക്ക് അടുത്ത വർഷം രാജ്യം വേദിയാവാനിരിക്കെ, ഇത്തരം സംഭവങ്ങൾ അരങ്ങേറുന്നതിനെതിരെ രൂക്ഷമായ വിമർശനമാണ് സമൂഹ മാധ്യമങ്ങളിൽ നിന്നുയരുന്നത്. കുറ്റം ചെയ്തവരെ കണ്ടുപിടിച്ച് ശിക്ഷിക്കണമെന്നും, രാജ്യത്തെ പൗരന്മാർക്ക് കൃത്യമായ ബോധവൽക്കരണം നൽകണമെന്നും ആളുകൾ അഭിപ്രായപ്പെട്ടു. ശിക്ഷ നൽകിയില്ലെങ്കിൽ ഇത്തരം പ്രവണതകൾ ഇനിയും ആവർത്തിച്ചേക്കുമെന്നും പലരും ആശങ്ക പ്രകടിപ്പിച്ചു. സമാനമായ അനുഭവം താനും നേരിട്ടിട്ടുണ്ട് എന്നായിരുന്നു ഒരു യുവതിയുടെ പരാമർശം. തന്റെ കാറിന്റെ കാഴ്ച ചിലർ ഫോം സ്പ്രേ ഉപയോഗിച്ച് മറച്ചെന്നും, താനാകെ പേടിച്ചുപോയെന്നും ഇവർ വിശദമാക്കി. അധികൃതർ കുറ്റക്കാരെ എത്രയും പെട്ടെന്ന് കണ്ടെത്തി, നടപടികൾ എടുക്കുമെന്നാണ് പ്രതീക്ഷ.