January 01, 2022
January 01, 2022
ജറുസലേം : കോവിഡിന്റെ പുതിയ തരംഗത്തിൽ പിടിച്ചുനിൽക്കാൻ പാടുപെടുന്ന ഇസ്രായേലിന് തലവേദനയായി പുതിയ രോഗം. കോവിഡും ഇൻഫ്ലുവെൻസയും ഒരുമിച്ച് വരുന്ന രോഗാവസ്ഥയായ ഫ്ലൊറോണ, 30 കാരിയായ ഗർഭിണിയിൽ ആണ് റിപ്പോർട്ട് ചെയ്യപ്പെട്ടിരിക്കുന്നത്.
പ്രസവത്തിനായി ആശുപത്രിയിൽ എത്തിയപ്പോൾ നടത്തിയ പരിശോധനയിലാണ് രോഗം കണ്ടെത്തിയത്. അതേസമയം, ഇവർ രോഗാവസ്ഥ മറികടന്നെന്നും, ആശുപത്രി വിട്ടെന്നും അറബ് ന്യൂസ് റിപ്പോർട്ട് ചെയ്തു. കൂടുതൽ പേരിലേക്ക് പുതിയ രോഗം പടരുമോ എന്ന ആശങ്കയിലാണ് രാജ്യത്തെ ആരോഗ്യവിദഗ്ദർ. ഫ്ലൊറോണയെ കുറിച്ച് വിശദമായ പഠനങ്ങൾ നടത്തുമെന്ന് വകുപ്പ് തല ഉദ്യോഗസ്ഥർ അറിയിച്ചിട്ടുണ്ട്.
