January 18, 2022
January 18, 2022
ദോഹ : ഖത്തർ വേദിയാവുന്ന 2022 ഫുട്ബോൾ ലോകകപ്പിന്റെ ടിക്കറ്റ് വില്പന നാളെ ആരംഭിക്കും. ടിക്കറ്റുകളുടെ വിലയും, അനുബന്ധ വിവരങ്ങളും ഏറെ വൈകാതെ ഫിഫയുടെ ഔദ്യോഗിക വെബ്സൈറ്റിൽ ലഭ്യമാവും.
ജനുവരി 19 മുതൽ ഫിബ്രവരി 8 വരെ നീണ്ടുനിൽക്കുന്ന ആദ്യഘട്ടത്തിൽ, വിസാ കാർഡ് ഉള്ളവർക്ക് മാത്രമാണ് ടിക്കറ്റുകൾ സ്വന്തമാക്കാൻ കഴിയുകയെന്ന് ഖത്തറിലെ ബാങ്കുകൾ അറിയിച്ചു. ക്യു.എൻ.ബി, ക്യു.ഐ.ബി, ദുഖാൻ ബാങ്ക് തുടങ്ങിയ ബാങ്കുകൾ തങ്ങളുടെ ട്വിറ്റർ അക്കൗണ്ടിലൂടെ ടിക്കറ്റ് വില്പന സംബന്ധിച്ചുള്ള വിവരങ്ങൾ പ്രസിദ്ധീകരിച്ചിട്ടുണ്ട്. ടിക്കറ്റ് വില്പനയുടെ മറ്റ് വിവരങ്ങൾ നാളെയോടെ അറിയാൻ കഴിഞ്ഞേക്കും.