February 04, 2022
February 04, 2022
ദോഹ : ഖത്തർ ആതിഥ്യം വഹിക്കുന്ന ഫുട്ബോൾ ലോകകപ്പിന് മാസങ്ങൾ മാത്രം അവശേഷിക്കെ, സ്റ്റേഡിയങ്ങളിൽ മദ്യം ലഭ്യമാക്കണം എന്ന ആവശ്യവുമായി ഫിഫ രംഗത്ത്. ഇക്കാര്യത്തിൽ ഖത്തർ ഇതുവരെ തീരുമാനം എടുത്തിട്ടില്ലെന്നും, വിഷയത്തിന്റെ വിവിധവശങ്ങൾ പഠിക്കുകയാണെന്നും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
ബിയർ പോലുള്ള, ലഹരി കുറഞ്ഞ വസ്തുക്കൾക്ക് അനുമതി ലഭിക്കാൻ സാധ്യത ഉണ്ടെന്നും റിപ്പോർട്ടുകളുണ്ട്. അനുമതി നൽകിയില്ലെങ്കിൽ വിദേശരാജ്യങ്ങളിൽ നിന്നുള്ള കാണികളുടെ എണ്ണത്തിൽ ഗണ്യമായ കുറവുണ്ടായേക്കുമെന്ന വസ്തുത ഖത്തർ ഗൗരവപൂർവം പരിഗണിക്കുന്നുണ്ട്. അതേസമയം, ഖത്തറിലെ ആഡംബര ഹോട്ടലുകളിലും മറ്റും മദ്യം ലഭ്യമായതിനാൽ, ലോകകപ്പ് വേദികളുടെ കാര്യത്തിലും സംഘാടകർ വിട്ടുവീഴ്ചക്ക് തയ്യാറാവുമെന്ന കണക്കുകൂട്ടലിലാണ് യൂറോപ്യൻ രാജ്യങ്ങൾ.