April 13, 2022
April 13, 2022
കോട്ടയം : മുൻ മന്ത്രി അഡ്വ. എം.പി. ഗോവിന്ദൻ നായർ അന്തരിച്ചു. 96 വയസായിരുന്നു. വാർദ്ധക്യസഹജമായ അസുഖങ്ങളെ തുടർന്ന് വിശ്രമജീവിതം നയിക്കവേ, കോട്ടയം മുട്ടമ്പലത്തുള്ള സ്വവസതിയിൽ ബുധനാഴ്ച രാവിലെ ആയിരുന്നു അന്ത്യം. 1962 ൽ, ആർ. ശങ്കറിന്റെ നേതൃത്വത്തിൽ തിരഞ്ഞെടുക്കപ്പെട്ട സർക്കാരിലാണ് ആരോഗ്യ മന്ത്രി സ്ഥാനം വഹിച്ചത്.
കോട്ടയത്തിനടുത്തുള്ള പാറമ്പുഴയിൽ എൻ. പരമേശ്വരൻ പിള്ളയുടെയും കുഞ്ഞുകുട്ടിയമ്മയുടെയും മകനായി 1926 ന് ജനിച്ച ഗോവിന്ദൻ നായർ, തിരുവനന്തപുരം ലോ കോളേജിൽ നിന്നാണ് നിയമത്തിൽ ബിരുദമെടുത്തത്. 1950 നവംബറിൽ കോട്ടയം ബാറിൽ അഭിഭാഷകനായ ഇദ്ദേഹം, വെറും 24 വയസുള്ളപ്പോൾ വിജയപുരം പഞ്ചായത്ത് പ്രസിഡന്റായും തിരഞ്ഞെടുക്കപ്പെട്ടിട്ടുണ്ട്. കോട്ടയം ഡി.സി.സി പ്രസിഡന്റ്, കെ.പി.സി.സി, എ. ഐ. സി.സി അംഗം, ആതുര സേവാ സംഘം തുടങ്ങിയ പദവികളും വഹിച്ചിട്ടുണ്ട്.