March 27, 2023
March 27, 2023
ന്യൂസ്റൂം ബ്യുറോ
കൊച്ചി: ഇന്നസെന്റിന്റെ മരണകാരണം ക്യാന്സര് രോഗം മടങ്ങി വന്നതല്ലെന്നും കൊവിഡും അനുബന്ധ ശ്വാസകോശ സംബന്ധമായ അസുഖങ്ങളുമാണ് പ്രിയ താരത്തിന്റെ ജീവനെടുത്തതെന്നും അദ്ദേഹത്തെ ചികിൽസിച്ച ഡോ. വി പി ഗംഗാധരന്.
രണ്ട് തവണ അര്ബുദ രോഗത്തോട് പോരാടി അതിജീവനത്തിന്റെ സന്ദേശം മറ്റു രോഗികള്ക്കും പകര്ന്ന വ്യക്തിത്വമായിരുന്നു ഇന്നസെന്റിന്റേത്. അതിനിടയിലാണ് ക്യാന്സര് രോഗമല്ല ഇന്നസെന്റിന്റെ ജീവനെടുത്തത് എന്ന് ഡോ. വി പി ഗംഗാധരന് അറിയിച്ചത്.കൊച്ചിയിലെ ലേക്ഷോര് ആശുപത്രിയില് ഞായറാഴ്ച രാത്രി 10.30ഓടെയായിരുന്നു നടനും മുന് എം പിയുമായ ഇന്നസെന്റിന്റെ (75) അന്ത്യം. ശാരീരിക അസ്വസ്ഥതകള് മൂലം രണ്ടാഴ്ച മുന്പാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI