November 21, 2021
November 21, 2021
കാലിഫോർണിയ : അന്തരീക്ഷത്തിലാകെ പാറിപ്പറക്കുന്ന കറൻസി നോട്ടുകൾ. താഴെ, അവ കൈപ്പിടിയിൽ ഒതുക്കാൻ മത്സരിക്കുന്ന ജനങ്ങൾ. മണി ഹെയ്സ്റ്റ് എന്ന വിഖ്യാത സീരീസിലും, ഒരുപിടി ഹോളിവുഡ് സിനിമകളിലും അരങ്ങേറിയിട്ടുള്ള രംഗമാണ് മുകളിൽ കൊടുത്തത്. ഇതേ രംഗം യഥാർത്ഥത്തിൽ അരങ്ങേറിയാലോ? !. കാലിഫോർണിയയിൽ നിന്നാണ് ഈ വാർത്ത വരുന്നത്.
In California, drivers blocked a highway to collect bills that had fallen from an armored car. The door of the car that was carrying cash was accidentally opened for an unknown reason. Drivers passing by began collecting money and recording videos. pic.twitter.com/4qjVQFMXZQ
— Aleksander Onishchuk (@Brave_spirit81) November 20, 2021
സാന്റിയാഗോയിൽ നിന്ന് കറൻസി നോട്ടുകളുമായി പോയ ട്രക്കിൽ നിന്നും പണം നിറച്ച രണ്ട് ബാഗുകൾ കാൾസ്ബാഡ് പട്ടണത്തിനടുത്ത് വെച്ച് റോഡിലേക്ക് പതിച്ചതോടെയാണ് നാടകീയ സംഭവങ്ങൾ അരങ്ങേറിയത്. ബാഗ് വീണത് ശ്രദ്ധയിൽ പെടാതെ ട്രക്ക് മുന്നോട്ട് നീങ്ങി. പിന്നാലെ വാഹനങ്ങളിൽ വന്ന ആളുകൾ കണ്ടത് പാറി നടക്കുന്ന ആയിരക്കണക്കിന് കറൻസി നോട്ടുകളാണ്. സമയമൊട്ടും കളയാതെ വാഹനം നിർത്തി ആളുകൾ ഈ നോട്ടുകൾ വാരി എടുക്കുകയും ചെയ്തു. അമളി തിരിച്ചറിഞ്ഞ ഉദ്യോഗസ്ഥർ തിരിച്ചെത്തുമ്പോഴേക്കും നോട്ടുകളുടെ ബഹുഭൂരിഭാഗവും ആളുകൾ കൈവശപ്പെടുത്തി കഴിഞ്ഞിരുന്നു. സ്വപ്നത്തിലെന്ന പോലെ പെയ്യുന്ന നോട്ട് മഴയിൽ മതിമറന്ന് അർമാദിക്കുന്ന ജനങ്ങളുടെ വീഡിയോ സമൂഹമാധ്യമങ്ങളിൽ വൈറലാവുകയാണ്. റോഡിൽ വീണ പണം തിരിച്ചുനൽകണമെന്ന് അപേക്ഷിച്ചതായും, കുറേ പേർ പണം മടക്കി നൽകിയതായും കാലിഫോർണിയ ഹൈവേ പട്രോൾ അധികൃതർ അറിയിച്ചു.