November 09, 2021
November 09, 2021
കാഠ്മണ്ഡു: ഹിമാലയപർവതനിരകളിൽ നിന്നും മൂന്ന് ഫ്രഞ്ച് പർവ്വതാരോഹരുടെ മൃതദേഹങ്ങൾ കണ്ടെത്തിയതായി നേപ്പാൾ പോലീസ് സ്ഥിരീകരിച്ചു. രണ്ടാഴ്ചകൾ മുൻപ് കാണാതായ ഇവരുടെ മൃതദേഹങ്ങൾ പ്രത്യേക തിരച്ചിൽ സംഘമാണ് കണ്ടെത്തിയത്. എവറസ്റ്റിന് സമീപത്തായുള്ള കാന്റെഗ പർവതം കീഴടക്കാനുള്ള ശ്രമത്തിലായിരുന്നു ഫ്രഞ്ച് സംഘം. ഒക്ടോബർ 26 ന് ശേഷം ഇവരുമായി ആശയവിനിമയം നടത്താൻ കഴിഞ്ഞിരുന്നില്ലെന്ന് പർവ്വതാരോഹണത്തിന്റെ സംഘാടകർ അറിയിച്ചു. ലോകത്തെ ഉയരംകൂടിയ 14 കൊടുമുടികൾ 8 കൊടുമുടികളും സ്ഥിതി ചെയ്യുന്ന നേപ്പാളിന്റെ വരുമാനത്തിൽ വലിയ പങ്കാണ് വിദേശ പർവതാരോഹകർ വഹിക്കുന്നത്.