October 18, 2021
October 18, 2021
അമേരിക്കയുടെ മുൻ സ്റ്റേറ്റ് സെക്രട്ടറിയായിരുന്ന കോളിൻ പവൽ അന്തരിച്ചു. ഈ പദവി അലങ്കരിച്ച ആദ്യ കറുത്ത വർഗക്കാരനായ പവൽ, കോവിഡ് സംബന്ധമായ ആരോഗ്യപ്രശ്നങ്ങളെ തുടർന്ന് മരണപ്പെട്ട വിവരം കുടുംബാംഗങ്ങൾ സമൂഹമാധ്യമങ്ങളിലൂടെ പങ്കുവെക്കുകയായിരുന്നു.
2001 ൽ ജോർജ് ബുഷ് പ്രസിഡന്റ് ആയിരിക്കവെയാണ് പവൽ സ്റ്റേറ്റ് സെക്രട്ടറി ആയി ചുമതല ഏറ്റത്. 1987 മുതൽ 1989 വരെ പ്രസിഡന്റ് റൊണാൾഡ് റീഗന്റെ സുരക്ഷാ ഉപദേഷ്ടാവായും പ്രവർത്തിച്ചിട്ടുണ്ട്. രണ്ട് ഡോസ് വാക്സിനും നൽകിയിരുന്നെന്നും, വാൾട്ടർ റീഡ് മെഡിക്കൽ സെന്ററിലെ ജീവനക്കാരോട് നന്ദി അറിയിക്കുന്നുമെന്നുമായിരുന്നു കുടുംബത്തിന്റെ പ്രതികരണം. സ്നേഹനിധിയായ ഒരച്ഛനെയും ഭർത്താവിനെയും ഒരു അമേരിക്കൻ പൗരനെയും ആണ് നഷ്ടപ്പെട്ടതെന്നും കുടുംബം ഫേസ്ബുക്കിൽ കുറിച്ചു.
