September 17, 2021
September 17, 2021
കോവിഡ് പ്രതിസന്ധി കാരണം കാലങ്ങളായി അടഞ്ഞുകിടക്കുന്ന കേരളത്തിലെ കോളേജുകൾ ഒക്ടോബർ നാല് മുതൽ തുറന്ന് പ്രവർത്തിക്കും. ആദ്യഘട്ടത്തിൽ അവസാനവർഷവിദ്യാർത്ഥികൾക്ക് മാത്രമാവും ക്ലാസുകൾ നടത്തുക.
ഡിഗ്രി അഞ്ച് ആറ് സെമസ്റ്ററുകൾക്കും, പീജി മൂന്ന് നാല് സെമസ്റ്ററുകൾക്കും പഠിക്കുന്ന കുട്ടികൾക്കാണ് ഒക്ടോബർ നാലിന് ക്ലാസ് ആരംഭിക്കുക. ഡിഗ്രി ക്ലാസിൽ പകുതി കുട്ടികൾ വീതം ഇടവിട്ട ദിവസങ്ങളിൽ ക്ലാസുകളിൽ എത്തണം. കുട്ടികളുടെ എണ്ണം കുറവായതിനാൽ പീജി ക്ലാസിൽ മുഴുവൻ വിദ്യാർത്ഥികൾക്കും ഒരുമിച്ച് പഠിക്കാം. കോളേജ് ഹോസ്റ്റലുകൾ, ലൈബ്രറി, ലാബ് തുടങ്ങിയവയ്ക്കും ഒക്ടോബർ നാല് മുതൽ പ്രവർത്തിക്കാമെന്ന് അധികൃതർ വ്യക്തമാക്കി.