March 23, 2022
March 23, 2022
ദോഹ : കോവിഡ് അനുബന്ധ യാത്രാ ലിസ്റ്റിൽ മാറ്റങ്ങൾ വരുത്താൻ തീരുമാനിച്ചതായി ഖത്തർ പൊതുജനാരോഗ്യ മന്ത്രാലയം അറിയിച്ചു. നേരത്തെ ഒൻപത് രാജ്യങ്ങൾ ഉണ്ടായിരുന്ന റെഡ് ഹെൽത്ത് പട്ടികയിൽ ഇനി മുതൽ ഏഴ് രാജ്യങ്ങളാണ് ഉണ്ടാവുക. അതേസമയം, ഇന്ത്യയെ പട്ടികയിൽ നിന്നും ഒഴിവാക്കിയിട്ടില്ല. ജോർദാൻ, ജോർജിയ എന്നീ രാജ്യങ്ങളെയാണ് പട്ടികയിൽ നിന്നും ഒഴിവാക്കിയത്. ഇന്ത്യ, ബംഗ്ലാദേശ്, ഈജിപ്ത്, പാകിസ്ഥാൻ, നേപ്പാൾ, ശ്രീലങ്ക, ഫിലിപൈൻസ് എന്നിവയാണ് റെഡ് ഹെൽത്ത് പട്ടികയിലെ രാജ്യങ്ങൾ. മാർച്ച് 26, ഖത്തർ സമയം ഏഴ് മണി മുതൽ പുതിയ പട്ടിക പ്രാബല്യത്തിൽ വരും.