April 08, 2022
April 08, 2022
സാൻഹൊസെ : കോസ്റ്ററിക്കയിലെ സാൻഹൊസെ വിമാനത്താവളത്തിൽ ലാൻഡിങ്ങിനിടെ വിമാനം രണ്ടായി പിളർന്നു. പ്രമുഖ കാർഗോ കമ്പനിയായ ഡി.എച്ച്.എല്ലിന്റെ ഉടമസ്ഥതയിലുള്ള കാർഗോ വിമാനമാണ് ലാൻഡിങ്ങിനിടെ രണ്ടായി പിളർന്നത്. അപകടത്തെ തുടർന്ന് വിമാനത്താവളം താൽകാലികമായി അടച്ചിട്ടതായി അധികൃതർ അറിയിച്ചു.
പൈലറ്റും സഹപൈലറ്റും മാത്രമാണ് വിമാനത്തിൽ ഉണ്ടായിരുന്നതെന്നും, ഇവർ സുരക്ഷിതരാണെന്നും വിമാനത്താവളത്തിലെ അധികൃതർ അറിയിച്ചു. പ്രാദേശിക സമയം രാവിലെ 10:30 സാന്താമരിയ വിമാനത്താവളത്തിൽ നിന്നും പറന്നുയർന്ന വിമാനം, 25 മിനിറ്റ് പിന്നിട്ടപ്പോൾ അടിയന്തരമായി ലാൻഡ് ചെയ്യിക്കുകയായിരുന്നു. സാങ്കേതികതകരാറാണ് അപകടകാരണമെന്നും, അന്വേഷണം നടത്തുമെന്നും ഡി.എച്ച്. എൽ പ്രതികരിച്ചു.