January 18, 2022
January 18, 2022
ബ്രിട്ടനിലെ ചെൽറ്റൻഹാമിൽ ഉണ്ടായ കാറപകടത്തിൽ രണ്ട് മലയാളികൾ മരണമടഞ്ഞു. മൂവാറ്റുപുഴ സ്വദേശി ബിൻസ് രാജൻ (32), കൊല്ലം സ്വദേശിനി അർച്ചന നിർമ്മൽ എന്നിവരാണ് മരിച്ചത്. ഇവർ സഞ്ചരിച്ചിരുന്ന കാർ മറ്റൊരു വാഹനവുമായി കൂട്ടിയിടിക്കുകയായിരുന്നു.
ബിൻസ് രാജന്റെ കാറിൽ അദ്ദേഹത്തിന്റെ കുടുംബവും, കുടുംബസുഹൃത്തായ നിർമ്മൽ രമേശും കുടുംബവും ലൂട്ടനിൽ നിന്നും ഗ്ലോസ്റ്റർഷെയറിലേക്ക് പോകുന്നതിനിടെയാണ് അപകടമുണ്ടായത്. ബിൻസ് രാജൻ സംഭവസ്ഥലത്ത് വെച്ച് തന്നെ മരിച്ചപ്പോൾ, അർച്ചന ആശുപത്രിയിലാണ് മരണമടഞ്ഞത്. ബിൻസിന്റെ ഭാര്യയും മകളും തീവ്രപരിചരണവിഭാഗത്തിൽ ചികിത്സയിലാണ്. കഴിഞ്ഞ വർഷം ഓഗസ്റ്റിലാണ് ബിൻസ് കുടുംബസമേതം ബ്രിട്ടനിൽ എത്തിയത്.