October 28, 2021
October 28, 2021
എൻഫോഴ്‌സ്‌മെന്റ് ഡയരക്ടറേറ്റ് അന്വേഷിക്കുന്ന കുപ്രസിദ്ധ കള്ളപ്പണക്കേസിലെ നാലാം പ്രതി ബിനീഷ് കോടിയേരിക്ക് ജാമ്യം. അറസ്റ്റിലായി ഒരു വർഷം പൂർത്തിയാകുന്നതിന് കേവലം ഒരു ദിവസം ബാക്കി നിൽക്കെയാണ് കർണ്ണാടക ഹൈക്കോടതി ബിനീഷിന് ജാമ്യം അനുവദിച്ചത്.
2020 ആഗസ്തിൽ കൊച്ചി സ്വദേശി അനൂപ് മുഹമ്മദ്‌, തൃശൂർ സ്വദേശി റിജേഷ് രവീന്ദ്രൻ, കന്നഡ സീരിയൽ നടി ഡി അനിഖ എന്നിവരെ നാർക്കോട്ടിക്സ് കൺട്രോൾ ബ്യൂറോ അറസ്റ്റ് ചെയ്തതോടെയാണ് ഏറെ വിവാദമായ ഈ കേസ് ആരംഭിച്ചത്. ചോദ്യം ചെയ്യലിൽ ഈ മൂവർസംഘം ബിനീഷിന്റെ പേര് പറയുകയും, വൈകാതെ ബിനീഷിനെ എൻഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്യുകയുമായിരുന്നു.
